منفعل تھا ترا جلوا کیا کیا
منفعل تھا ترا جلوا کیا کیا
ہم نے سمجھا ترا منشا کیا کیا
ایک تھا لفظ محبت جس سے
مسئلے ہو گئے پیدا کیا کیا
تو ہی خود دیکھ کہ تیرے لیے کام
مر گیا حرف تمنا کیا کیا
کون جانے کہ تجھے بن دیکھے
تجھ سے ملتا ہے سہارا کیا کیا
جب نہ دیکھا انہیں دیکھا ہی نہیں
جب بھی دیکھا انہیں دیکھا کیا کیا
کس کو سمجھائیں کہ اس محفل میں
کیسے ہوتا ہے تقاضا کیا کیا
کس قدر سخت مقام آئے تھے
ہم نے رکھا ترا پردا کیا کیا
ہم جو دیوانے نہیں ہو جاتے
دیکھتے لوگ تماشا کیا کیا
آج تھا رونق محفل عالؔی
تم نہ ہوتے تو وہ پڑھتا کیا کیا
جمیل الدین عالی 
(699) ووٹ وصول ہوئے
Munfail Tha Tera Jalwa Kya Kya In Urdu By Famous Poet Jameeluddin Aali. Munfail Tha Tera Jalwa Kya Kya is written by Jameeluddin Aali. Enjoy reading Munfail Tha Tera Jalwa Kya Kya Poem on Inspiration for Students, Youth, Girls and Boys by Jameeluddin Aali. Free Dowlonad Munfail Tha Tera Jalwa Kya Kya by Jameeluddin Aali in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends