کب تم بھٹکے کیوں تم بھٹکے کس کس کو سمجھاؤ گے
کب تم بھٹکے کیوں تم بھٹکے کس کس کو سمجھاؤ گے
اتنی دور تو آ پہنچے ہو اور کہاں تک جاؤ گے
اس چالیس برس میں تم نے کتنے دوست بنائے ہیں
اب جو عمر بچی ہے اس میں کتنے دوست بناؤ گے
بچپن کے سب سنگی ساتھی آخر کیوں تمہیں چھوڑ گئے
کوئی یار نیا پوچھے تو اس کو کیا بتلاؤ گے
جو بھی تم نے شہرت پائی جو بھی تم بدنام ہوئے
کیا یہی ترکہ اپنے پیارے بچوں کو دے جاؤ گے
اب اس جوش خود آگاہی میں آگے کی کیا سوچی ہے
شعر کہو گے عشق کرو گے کیا کیا ڈھونگ رچاؤ گے
عالؔی کس کو فرصت ہوگی ایک تمہی کو رونے کی
جیسے سب یاد آ جاتے ہیں تم بھی یاد آ جاؤ گے
جمیل الدین عالی 
(944) ووٹ وصول ہوئے
Kab Tum BhaTke Kyun Tum BhaTke Kis Kis Ko Samjhaoge In Urdu By Famous Poet Jameeluddin Aali. Kab Tum BhaTke Kyun Tum BhaTke Kis Kis Ko Samjhaoge is written by Jameeluddin Aali. Enjoy reading Kab Tum BhaTke Kyun Tum BhaTke Kis Kis Ko Samjhaoge Poem on Inspiration for Students, Youth, Girls and Boys by Jameeluddin Aali. Free Dowlonad Kab Tum BhaTke Kyun Tum BhaTke Kis Kis Ko Samjhaoge by Jameeluddin Aali in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends