تمہارے دید کی حسرت بہت مشکل سے نکلے گی
تمہارے دید کی حسرت بہت مشکل سے نکلے گی
دعا بن کر شب غم وہ ہمارے دل سے نکلے گی
خبر کیا تھی کہ تیری کج ادائی سے بت رعنا
بسان شمع رو کر آرزو محفل سے نکلے گی
تمنا رفتہ رفتہ رنگ کچھ دکھلائے گی اپنا
بنے گی نور جاں اور دیدۂ کامل سے نکلے گی
بسان نکہت گل چھپ نہیں سکتی چھپانے سے
یہ بوئے خون عاشق دامن قاتل سے نکلے گی
نہاں کیا خاک ہوگی حسرت دیدار عاشق کی
وہ اک دن یاس بن کر دیدۂ بسمل سے نکلے گی
دکھائے گی محبت ایک دن ان کو اثر اپنا
سمائی دل میں جو ان کے وہ میرے دل سے نکلے گی
تصور جانب دل چاہیے مجنوں تجھے کرنا
تو جس لیلیٰ کا عاشق ہے وہ اس محمل سے نکلے گی
ٹھہر جا ناقۂ دلبر کہ میں چوموں قدم تیرے
صدا یہ مشت خاک عاشق بیدل سے نکلے گی
زباں سے نالہ و فریاد کرنا ہے عبث تیرا
جمیلہؔ وہ دعا کام آئے گی جو دل سے نکلے گی
جمیلہ خدا بخش 
(923) ووٹ وصول ہوئے
Tumhaare Did Ki Hasrat Bahut Mushkil Se Niklegi In Urdu By Famous Poet Jameela Khuda Bakhsh. Tumhaare Did Ki Hasrat Bahut Mushkil Se Niklegi is written by Jameela Khuda Bakhsh. Enjoy reading Tumhaare Did Ki Hasrat Bahut Mushkil Se Niklegi Poem on Inspiration for Students, Youth, Girls and Boys by Jameela Khuda Bakhsh. Free Dowlonad Tumhaare Did Ki Hasrat Bahut Mushkil Se Niklegi by Jameela Khuda Bakhsh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends