ہمارا تو کوئی سہارا نہیں ہے
ہمارا تو کوئی سہارا نہیں ہے
خدا ہے تو لیکن ہمارا نہیں ہے
محبت کی تلخی گوارا ہے لیکن
حقیقت کی تلخی گوارا نہیں ہے
مری زندگی وہ خلا ہے کہ جس میں
کہیں دور تک کوئی تارا نہیں ہے
خدا کیا خودی کو بھی آواز دی ہے
مصیبت میں کس کو پکارا نہیں ہے
سراب اک حقیقت ہے آب اک تصور
یہی زندگی ہے تو چارا نہیں ہے
ہم اپنی ہی آنکھوں کا پردہ الٹ دیں
حقیقت کو یہ بھی گوارا نہیں ہے
وہ کیا ان کے گیسو سنوارے گا جس نے
گریباں بھی اپنا سنوارا نہیں ہے
خدا اس سے نپٹے تو نپٹے کہ یہ دل
ہمارا نہیں ہے تمہارا نہیں ہے
نظر ان کی گوشہ نشیں ہے حیا سے
اشارا نہیں یہ اشارا نہیں ہے
ہمارا ہے کیا جب ہمارا ارادہ
ہمارا ہے لیکن ہمارا نہیں ہے
گریباں بہت سے ہوئے پارہ پارہ
نقاب ایک بھی پارہ پارا نہیں ہے
کسی کے لیے دل کو سلگا کے دیکھو
جہنم کوئی استعارا نہیں ہے
بجز مظہریؔ کے سبھی بزم میں ہیں
وہی تیرے وعدوں کا مارا نہیں ہے
جمیلؔ مظہری 
(955) ووٹ وصول ہوئے
Hamara To Koi Sahaara Nahin Hai In Urdu By Famous Poet Jameel Mazhari. Hamara To Koi Sahaara Nahin Hai is written by Jameel Mazhari. Enjoy reading Hamara To Koi Sahaara Nahin Hai Poem on Inspiration for Students, Youth, Girls and Boys by Jameel Mazhari. Free Dowlonad Hamara To Koi Sahaara Nahin Hai by Jameel Mazhari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends