ہر گھر کے آس پاس سمندر لگا مجھے
ہر گھر کے آس پاس سمندر لگا مجھے
کتنا مہیب شہر کا منظر لگا مجھے
خلقت بہت تھی پھر بھی کوئی بولتا نہ تھا
سنسان راستوں سے بہت ڈر لگا مجھے
قاتل کا ہاتھ آج خدا کے ہے رو بہ رو
دست دعا بھی خون کا ساغر لگا مجھے
یوں ریزہ ریزہ ہوں کہ کوئی بھی ہوا نہ تھا
یوں تو تری نگاہ کا کنکر لگا مجھے
بیٹھے بٹھائے کوچۂ قاتل میں لے گیا
معصوم دل بھی کتنا ستم گر لگا مجھے
کس کس نے چٹکیوں میں اڑایا ہے میرا دل
چاہے تو تو بھی آخری ٹھوکر لگا مجھے
گلچیں پلٹ کے سب ترے کوچے سے آئے ہیں
پھولوں کے راستے میں ترا گھر لگا مجھے
وہ جاگتا رہا تو قیامت بپا رہی
وہ سو گیا تو اور بھی کافر لگا مجھے
دیکھا جب آنکھ بھر کے اسے ڈوبتا گیا
عالم تمام عالم دیگر لگا مجھے
اس کی خموشیوں میں نہاں کتنا شور تھا
مجھ سے سوا وہ درد کا خوگر لگا مجھے
جس آئنے میں بھی ترا پیکر سما گیا
اس آئنے میں اپنا ہی جوہر لگا مجھے
یا میرے دل سے حسرت پرواز چھین لے
یا میرے پاس آ کے نئے پر لگا مجھے
ساحل پہ جو کھڑا تھا تماشا بنا ہوا
وہ گہرے پانیوں کا شناور لگا مجھے
سوچا تو چور چور تھے شیشے کے گھر تمام
دیکھا تو ہاتھ ہاتھ میں پتھر لگا مجھے
آنکھوں سے گرد جھاڑ کے دیکھا تو دوستو
کوتاہ قد بھی اپنے برابر لگا مجھے
تاریکیوں میں نور کا ہالا بھی تھا کہیں
دشت خیال اپنا مقدر لگا مجھے
چھیڑی کچھ اس طرح سے جمیلؔ اس نے یہ غزل
ہر ایک شعر قند مکرر لگا مجھے
جمیل ملک 
(938) ووٹ وصول ہوئے
Har Ghar Ke Aas-pas Samundar Laga Mujhe In Urdu By Famous Poet Jameel Malik. Har Ghar Ke Aas-pas Samundar Laga Mujhe is written by Jameel Malik. Enjoy reading Har Ghar Ke Aas-pas Samundar Laga Mujhe Poem on Inspiration for Students, Youth, Girls and Boys by Jameel Malik. Free Dowlonad Har Ghar Ke Aas-pas Samundar Laga Mujhe by Jameel Malik in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends