ڈوبا ہوا ہوں درد کی گہرائیوں میں بھی
ڈوبا ہوا ہوں درد کی گہرائیوں میں بھی
میں خندہ زن ہوں کھوکھلی دانائیوں میں بھی
عریاں ہے سارا شہر چلی یوں ہوس کی لہر
تجھ کو چھپا رہا ہوں میں تنہائیوں میں بھی
کیسے تھے لوگ جن کی زبانوں میں نور تھا
اب تو تمام جھوٹ ہے سچائیوں میں بھی
اب نیک نامیوں میں بھی کوئی مزا نہیں
پہلے تو ایک لطف تھا رسوائیوں میں بھی
وہ دوڑ ہے کسی کو کسی کی خبر نہیں
اب کتنی غیریت ہے شناسائیوں میں بھی
رنگین ساعتوں میں کہاں وہ ملاحتیں
پرچھائیوں کا جال ہے رعنائیوں میں بھی
ہم جن کے واسطے تھے تماشا بنے ہوئے
دیکھا تو وہ نہیں تھے تماشائیوں میں بھی
میں ہی تھا وہ جو اپنے ہی تیشے سے مر گیا
ہی ہی تھا شہر جبر کے بلوائیوں میں بھی
کیا دور ہے کہ جس میں صدا بھی سکوت ہے
تنہائیاں ہیں انجمن آرائیوں میں بھی
وہ پیار دو کہ جس کی چمک ماند ہی نہ ہو
ہوتا ہے یہ خلوص تو ہرجائیوں میں بھی
ساز و صدا کے شور میں گم ہو گیا جمیلؔ
کس کس کے دل کا درد تھا شہنائیوں میں بھی
جمیل ملک 
(852) ووٹ وصول ہوئے
Duba Hua Hun Dard Ki Gahraiyon Mein Bhi In Urdu By Famous Poet Jameel Malik. Duba Hua Hun Dard Ki Gahraiyon Mein Bhi is written by Jameel Malik. Enjoy reading Duba Hua Hun Dard Ki Gahraiyon Mein Bhi Poem on Inspiration for Students, Youth, Girls and Boys by Jameel Malik. Free Dowlonad Duba Hua Hun Dard Ki Gahraiyon Mein Bhi by Jameel Malik in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends