Qarib Aate Hue Aur Dur Jate Hue
qarib aate hue aur dur jate hue
ye kaun log hain be-wajh muskuraate hue
ye lamhe saz-e-azal se chhalak ke gir gae the
tabhi se yun hi musalsal hain gungunate hue
ek aisi samt jidhar kab se hu ka aalam hai
main ja raha hun akela qadam baDhate hue
main kab se dekh raha hun ajib si harakat
mera likha hua kuchh log hain miTate hue
jo dal ke pas the un se hai marka darpesh
chala hun jazbon ki diwar aaj Dhate hue
Jamal Owaisi 
(650) Peoples Rate This