کہاں ہم اور کہاں اب شراب خانۂ عشق
کہاں ہم اور کہاں اب شراب خانۂ عشق
نہ وہ دماغ نہ وہ دل نہ وہ زمانۂ عشق
ہوا ہے شہر خموشاں میں جب گزر میرا
سنا کیا ہوں لب گور سے فسانۂ عشق
خیال رخ پہ ہے موقوف دل کی آبادی
کبھی نہ گل ہو الٰہی چراغ خانۂ عشق
بھرے ہوئے ہیں حسینان سیم تن دل میں
خدا کرے کبھی خالی نہ ہو خزانۂ عشق
گئی دماغ میں جس کے کیا اسیر اسے
عجب کمند ہے بوئے شراب خانۂ عشق
کہیں ہے داغ کا مضموں کہیں ہے سوز کا ذکر
سنو نہ تم کہ بہت گرم ہے فسانۂ عشق
غلط ہے صاحب دولت کو گر غنی کہیے
غنی وہ ہے جسے اللہ دے خزانۂ عشق
جو بحر غم میں گرا ہاتھ دھو کے جینے سے
اسی کے ہاتھ بھی آیا در یگانۂ عشق
تمام عمر اسی صحرا کی خاک چھانی ہے
جو تم سنو تو سناؤں کوئی فسانۂ عشق
بنے ہیں جب سے وہ یوسف ہر ایک گاہک ہے
کھلا ہوا ہے یہاں بھی در خزانۂ عشق
کسی پہ دل کا تھا آنا کہ بے خودی چھائی
سمند ہوش کو آفت ہے تازیانۂ عشق
جب ان کے دل میں یہ آتی ہے کچھ سنیں نالے
تو مجھ سے کہتے ہیں چھیڑو کوئی ترانۂ عشق
چمک کے داغ یہ کہتا ہے دل کی آہوں سے
ہوا سے بجھ نہیں سکتا چراغ خانۂ عشق
یہ جانیے کہ لگی ہاتھ دولت کونین
ملے جو خرمن ہستی سے ایک دانۂ عشق
یہاں ایازؔ ہے آقا غلام ہے محمودؔ
جلیلؔ کیا میں کہوں تم سے کارخانۂ عشق
جلیلؔ مانک پوری 
(951) ووٹ وصول ہوئے
Kahan Hum Aur Kahan Ab Sharab-KHana-e-ishq In Urdu By Famous Poet Jaleel Manikpuri. Kahan Hum Aur Kahan Ab Sharab-KHana-e-ishq is written by Jaleel Manikpuri. Enjoy reading Kahan Hum Aur Kahan Ab Sharab-KHana-e-ishq Poem on Inspiration for Students, Youth, Girls and Boys by Jaleel Manikpuri. Free Dowlonad Kahan Hum Aur Kahan Ab Sharab-KHana-e-ishq by Jaleel Manikpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends