Mar Dala Muskura Kar Naz Se
mar Dala muskura kar naz se
han meri jaan phir isi andaz se
kis ne kah di un se meri dastan
chaunk chaunk uThte hain KHwab-e-naz se
phir wahi wo the wahan kuchh bhi na tha
jis taraf dekha nigah-e-naz se
dard-e-dil pahle to wo sunte na the
ab ye kahte hain zara aawaz se
miT gae shikwe jab us ne ai 'jalil'
Dal den banhen gale mein naz se
Jaleel Manikpuri 
(792) Peoples Rate This