گھر سے باہر کبھی نکلا کیجے
گھر سے باہر کبھی نکلا کیجے
حشمیؔ گلیوں میں ٹہلا کیجے
حسن باتوں میں بھی پیدا کیجے
سامنے آئنہ رکھا کیجے
کیوں کسی اور کو رسوا کیجے
اب کے اپنا ہی تماشا کیجے
پہلے خود آپ کو پرکھا کیجے
اور پھر شکوۂ دنیا کیجے
کہیں سولی نہ سمجھے لے کوئی
اپنی بانہوں کو نہ کھولا کیجے
سوچئے پھول کھلا ہے کیا کیا
صورت سنگ نہ دیکھا کیجے
اتنی فرصت بھی کسے ہے لیکن
گاہے گاہے ہمیں پوچھا کیجے
ہر کوئی منہ میں زباں رکھتا ہے
روکتا کون ہے بولا کیجے
یہ بھی انداز ہے اک چھپنے کا
اس قدر پاس نہ آیا کیجے
آنے لگتی ہے شکستوں کی صدا
ایسے خاموش نہ بیٹھا کیجے
ربط بھی رکھتا ہے معنی اپنے
بات بے بات نہ ٹوکا کیجے
حشمیؔ غم نے پھر انگڑائی لی
حشمیؔ پھر غزل انشا کیجے
جلیل حشمی 
(618) ووٹ وصول ہوئے
Ghar Se Bahar Kabhi Nikla Kije In Urdu By Famous Poet Jaleel Hashmi. Ghar Se Bahar Kabhi Nikla Kije is written by Jaleel Hashmi. Enjoy reading Ghar Se Bahar Kabhi Nikla Kije Poem on Inspiration for Students, Youth, Girls and Boys by Jaleel Hashmi. Free Dowlonad Ghar Se Bahar Kabhi Nikla Kije by Jaleel Hashmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends