Yun Ek Sabaq-e-mehr-o-wafa ChhoD Gae Hum
yun ek sabaq-e-mehr-o-wafa chhoD gae hum
har rah mein naqsh-e-kaf-e-pa chhoD gae hum
duniya tere qirtas pe kya chhoD gae hum
ek husn-e-bayan husn-e-ada chhoD gae hum
mahaul ki zulmat mein jis rah se guzre
qindil-e-mohabbat ki ziya chhoD gae hum
begana rahe dard-e-mohabbat ki dawa se
ye dard hi kuchh aur siwa chhoD gae hum
thi samne aalaish-e-duniya ki bhi ek rah
wo KHubi-e-qismat se zara chhoD gae hum
ek husn-e-dakan tha ki nigahon se na chhuTa
har husn ko warna ba-KHuda chhoD gae hum
Jagan Nath Azad 
(747) Peoples Rate This