غم دوراں غم جاناں غم جاں ہے کہ نہیں
غم دوراں غم جاناں غم جاں ہے کہ نہیں
دل ستاں سلسلۂ غم زدگاں ہے کہ نہیں
ہر نفس بزم گلستاں میں غزل خواں تھا کبھی
ہر نفس نالہ کشاں نوحہ کناں ہے کہ نہیں
ہر نظر نغمہ سرا انجمن آرا تھی کبھی
ہر نظر حیرتیٔ رنگ جہاں ہے کہ نہیں
ہر زباں پر تھا کبھی تذکرۂ دور بہار
ہر زباں شکوہ گر جور خزاں ہے کہ نہیں
مے چکاں بادہ نشاں تھے لب گل رنگ کبھی
لب گل رنگ پہ زخموں کا گماں ہے کہ نہیں
سرمۂ چشم عنایت کی حکایت چھوڑو
آج ہر آنکھ میں آہوں کا دھواں ہے کہ نہیں
قافلے جانے گھٹاؤں کے کہاں اتریں گے
ہر خم زلف بہ حسرت نگراں ہے کہ نہیں
دشت وحشت سے نہیں کم یہ جہان گل و بو
صورت ریگ رواں عمر رواں ہے کہ نہیں
نغمۂ باد بہاری جسے تم کہتے ہو
جرس قافلۂ گل کی فغاں ہے کہ نہیں
نہ تو بلبل کی نوا ہے نہ صدائے طاؤس
صحن گلزار میں اب امن و اماں ہے کہ نہیں
مجھ سے کیا پوچھتے ہو کون یہاں تک پہنچا
سرخیٔ خار بیاباں سے عیاں ہے کہ نہیں
زندگی کچھ بھی سہی پھر بھی بڑی دولت ہے
موت سی شے بھی یہاں جنس گراں ہے کہ نہیں
صورت لطف و کرم یہ ہو تو دل کیوں نہ جلے
آگ پتھر کے بھی سینے میں نہاں ہے کہ نہیں
ظلم چپ چاپ سہے جاؤ گے آخر کب تک
اے اسیران قفس منہ میں زباں ہے کہ نہیں
یہ ادب گاہ محبت ہے جو چپ ہوں طاہرؔ
ورنہ یاں کون سا انداز بیاں ہے کہ نہیں
جعفر طاہر 
(900) ووٹ وصول ہوئے
Gham-e-dauran Gham-e-jaanan Gham-e-jaan Hai Ki Nahin In Urdu By Famous Poet Jafar Tahir. Gham-e-dauran Gham-e-jaanan Gham-e-jaan Hai Ki Nahin is written by Jafar Tahir. Enjoy reading Gham-e-dauran Gham-e-jaanan Gham-e-jaan Hai Ki Nahin Poem on Inspiration for Students, Youth, Girls and Boys by Jafar Tahir. Free Dowlonad Gham-e-dauran Gham-e-jaanan Gham-e-jaan Hai Ki Nahin by Jafar Tahir in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends