Arsa-e-zulmat-e-hayat KaTe
arsa-e-zulmat-e-hayat kaTe
ham-nafas muskura ki raat kaTe
samar-e-arzu ka zikr na chheD
chhune pae na the ki hat kaTe
kash har zulf tegh ban jae
kash zanjir-e-hadsat kaTe
ai baqa-e-dawam ke malik
kis tarah umr-e-be-sabaat kaTe
aadmi justuju-e-rah mein hai
tujh ko zid hai rah-e-najat kaTe
shab-e-KHalwat-suKHan suKHan ki dad
aur sar-e-bazm baat baat kaTe
Jafar Tahir 
(783) Peoples Rate This