چھوٹی سی کھڑکی
مختصر کمرے کی
ایک چھوٹی سی مغموم کھڑکی
کبھی دیکھتی ہے جو باہر کی دنیا
اداسی بہت بڑھ جاتی ہے اس کی
مگر سامنے کے ہرے لان کے پھول
چمپا چمیلی گلاب اور بیلا کی پوشاک
پہنے ہوئے مسکراتے ہوئے
رنگ و خوشبو کے لہجے میں اس کو
سناتے ہیں معصوم لمحوں کا قصہ
ہتھیلی پہ پھر انہی معصوم لمحوں کی
تحریر کرتی ہے دل کش ہنسی
ایک چہکار کوئل کی
اور جب محبت کی انگلی نزاکت سے تھامے
خراماں خراماں
انوکھا سا اک پھول اس لان پر
میرؔ کے شعر کہ پنکھڑی چننے لگتا ہے
تب وقت کے قہقہوں کا
بہت خوشنما سلسلہ
ٹھہر جاتا ہے
اس مختصر کمرے کی
چھوٹی سی کھڑکی میں
جعفر ساہنی 
(920) ووٹ وصول ہوئے
ChhoTi Si KhiDki In Urdu By Famous Poet Jafar Sahni. ChhoTi Si KhiDki is written by Jafar Sahni. Enjoy reading ChhoTi Si KhiDki Poem on Inspiration for Students, Youth, Girls and Boys by Jafar Sahni. Free Dowlonad ChhoTi Si KhiDki by Jafar Sahni in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends