Macha Kohram Kyun Hai
macha kohram kyun hai
ghar badalne par
abhi bhi halke kale
shishe wali
aankh par ainak laga kar
halqa-e-yaran mein wo akasr
chahal-qadmi ko aata hai
sunata hai ghazal apni
kabhi taron ki jhurmuT mein
kabhi raste mein shabnam ke
kabhi KHushbu lapeTe jism par
dil-kash fazaon mein
kabhi be-had chamakti dhup ke
pipal ki chhanw mein
zara sa
chashm-e-baatin ko
munawwar kar ke to dekho
liye dariya ko hathon mein
bahut shadan
bahut farhan
nazar aata hai masnad par
ghazal ki wo
Jafar Sahni 
(780) Peoples Rate This