پیڑ پر جانے کس کا دھیان پڑا
پیڑ پر جانے کس کا دھیان پڑا
ایک پتھر کہیں سے آن پڑا
ایک ہجرت تو مجھ کو تھی درپیش
ہجر بھی اس کے درمیان پڑا
یہ شب تار تار میری ردا
یہ ستاروں کا سائبان پڑا
ایک پلڑے میں رکھ دیا تجھ کو
دوسرے میں تھا اک جہان پڑا
کیسی ٹھوکر لگی یہ سپنے میں
آنکھ پر کس کا یہ نشان پڑا
ایک مٹھی میں پھر زمیں سمٹی
ایک آنسو میں آسمان پڑا
زندگی یاد آ گئی مجھ کو
پھر تری سمت میرا دھیان پڑا
تو نے نام و نشاں دیا مجھ کو
میرا ہونا تھا بے نشان پڑا
گرتے رہتے ہیں اس میں شام و سحر
بھرتا رہتا ہے خاکدان پڑا
یہ ہے کشتی وجود کی جاناںؔ
یہ پھٹا دل کا بادبان پڑا
جاناں ملک 
(952) ووٹ وصول ہوئے
PeD Par Jaane Kis Ka Dhyan PaDa In Urdu By Famous Poet Jaanaan Malik. PeD Par Jaane Kis Ka Dhyan PaDa is written by Jaanaan Malik. Enjoy reading PeD Par Jaane Kis Ka Dhyan PaDa Poem on Inspiration for Students, Youth, Girls and Boys by Jaanaan Malik. Free Dowlonad PeD Par Jaane Kis Ka Dhyan PaDa by Jaanaan Malik in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends