Aur Mahak Thi Jo Us Bagh Ki Ghas Mein Thi
aur mahak thi jo us bagh ki ghas mein thi
us ke panw ki KHushbu bhi us bas mein thi
tujh barish ne tan phulon se bhar Dala
KHali shaKH thi aur is rut ki aas mein thi
tu ne aas dilai mujh ko jine ki
main to sansen leti miTTi yas mein thi
yaad to kar wo lamhe wo raaten wo din
main bhi tere sath usi ban-bas mein thi
har pal tere sath thi main kab dur rahi
main KHushbu thi aur tere ehsas mein thi
barish thi shab-bhar aur bhig rahi thi main
'jaanan' kaisi shiddat meri pyas mein thi
Jaanaan Malik 
(865) Peoples Rate This