Subh Ke Dard Ko Raaton Ki Jalan Ko Bhulen
subh ke dard ko raaton ki jalan ko bhulen
kis ke ghar jaen ki is wada-shikan ko bhulen
aaj tak choT dabae nahin dabti dil ki
kis tarah us sanam-e-sang-badan ko bhulen
ab siwa is ke mudawa-e-gham-e-dil kya hai
itni pi jaen ki har ranj-o-mehan ko bhulen
aur tahzib-e-gham-e-ishq nibha den kuchh din
aaKHiri waqt mein kya apne chalan ko bhulen
Jaan Nisar Akhtar 
(757) Peoples Rate This