الٹی ہر ایک رسم جہان شعور ہے
الٹی ہر ایک رسم جہان شعور ہے
سیدھی سی اک غزل مجھے لکھنی ضرور ہے
وحدت میں اعتبار حدوث و قدم نہیں
تھا جو بطون میں یہ وہی تو ظہور ہے
تارک وہی ہے جس نے کیا کل کو اختیار
یعنی حریص تر ہے وہی جو صبور ہے
مطلق یگانگی ہے تو نزدیک و دور کیا
پہنچا ہے جو قریب وہی دور دور ہے
اصل حیات ہے یہی کہتے ہیں جس کو موت
جینے کی آرزو ہے تو مرنا ضرور ہے
اقرار بندگی ہے خدائی کا ادعا
عجز و نیاز کیا ہے کمال غرور ہے
امید کیجئے اگر امید کچھ نہیں
غم کھائیے بہت جو خیال سرور ہے
زلف سیاہ سے رخ تاباں کا حسن ہے
کہتے ہو جس کو دیو حقیقت میں حور ہے
بے معصیت خزانۂ رحمت ہے رائیگاں
سچ پوچھئے تو جرم نہ کرنا قصور ہے
اظہار جان پاک ہے جسم کثیف سے
بے پردگی حجاب ہے ظلمت ہی نور ہے
بالاتفاق ہستیٔ وہمی ہے نیتی
ہشیار ہے جو نشۂ غفلت میں چور ہے
اعلیٰ تھا جس کا رتبہ وہ اسفل میں ہے اسیر
صف نعال موقف صدر الصدور ہے
ہے راہ کی تلاش تو کر گمرہی طلب
عاقل وہی ہے عقل میں جس کی فتور ہے
بیداریٔ وجود ہے خواب عدم میں غرق
لب بند ہو گئے یہی شور نشور ہے
ہر چند شغل شعر نہیں آج کل ضرور
نذرانہ پیر جی کے لئے کچھ ضرور ہے
اسماعیلؔ میرٹھی 
(893) ووٹ وصول ہوئے
UlTi Har Ek Rasm-e-jahan-e-shuur Hai In Urdu By Famous Poet Ismail Merathi. UlTi Har Ek Rasm-e-jahan-e-shuur Hai is written by Ismail Merathi. Enjoy reading UlTi Har Ek Rasm-e-jahan-e-shuur Hai Poem on Inspiration for Students, Youth, Girls and Boys by Ismail Merathi. Free Dowlonad UlTi Har Ek Rasm-e-jahan-e-shuur Hai by Ismail Merathi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends