ساقی خم خانہ تھا جو صبح و شام
ساقی خم خانہ تھا جو صبح و شام
روز آدینہ تھا مسجد میں امام
جس نے چشم مست ساقی دیکھ لی
تا قیامت اس پہ ہشیاری حرام
اس لب جاں بخش کی باتیں تھیں یا
معجزات عیسی گردوں مقام
ہو گیا اس کو قیامت کا یقیں
جس نے دیکھا سرو قامت کا خرام
چشمۂ آب بقا کی لہر تھی
وہ عبارت وہ اشارت لا کلام
مرحبا عطر گریباں کی شمیم
ہے معطر جس سے روحانی مشام
تھی زباں یا قاطع اوہام یا
ذوالفقار حیدری تھی بے نیام
جس نے دیکھا نرگس شہلا کا خواب
اس نے پایا رمز قلبی لا ینام
قال اتممت علیکم نعمتی
ہو گئیں سب خوبیاں اس پر تمام
جس نے چاٹی عتبۂ علیا کی خاک
تلخیٔ دوراں سے ہو کیوں تلخ کام
اے صبا صحرائے جاں میں کر تلاش
کس طرف ہیں وہ سُرادق وہ خیام
خلوت لیلیٰ میں تو گزرے اگر
تو یہ کہہ دینا ہمارا بھی پیام
تشنگان شوق ہیں گم کردہ راہ
تو بھی چل بہر خدا دو چار گام
بحر میں برپا ہوا جوش و خروش
حبذا رشحات کاسات الکرام
سونپ دی تھی دست قدرت نے تجھے
ناقۂ لیلائے معنی کی زمام
اسماعیلؔ میرٹھی 
(941) ووٹ وصول ہوئے
Saqi-e-KHum-KHana Tha Jo Subh-o-sham In Urdu By Famous Poet Ismail Merathi. Saqi-e-KHum-KHana Tha Jo Subh-o-sham is written by Ismail Merathi. Enjoy reading Saqi-e-KHum-KHana Tha Jo Subh-o-sham Poem on Inspiration for Students, Youth, Girls and Boys by Ismail Merathi. Free Dowlonad Saqi-e-KHum-KHana Tha Jo Subh-o-sham by Ismail Merathi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends