کجا ہستی بتا دے تو کہاں ہے
کجا ہستی بتا دے تو کہاں ہے
جسے کہتے ہیں بسمل نیم جاں ہے
ہمارا گھر ہے یعنی خانۂ ماست
محل ہی کاخ ہے کوشک مکاں ہے
چچا عم ہے پسر بیٹا پدر باپ
تو کنبہ خانمان و دودماں ہے
سفینہ ناؤ کشتی بان ملاح
بہے پانی تو وہ آب رواں ہے
بتاؤ آگ کیا ہے نار و آتش
دھواں کیا چیز ہے دو دود و خاں ہے
جسے کہتے ہو تم گردون گرداں
فلک چرخ و سپہر و آسماں ہے
وہی جنت کہ جس کی آرزو ہے
نعیم و خلد و فردوس و جناں ہے
سنا کیجئے حکایت ہے کہانی
کہا کیجئے فسانہ داستاں ہے
مرا سر راس ہے ماتھا جبیں ہے
مرے منہ میں زباں ہے جو لساں ہے
کہو تم جو ترازو ہے سو میزاں
سنو تم آزمائش امتحاں ہے
حجر پتھر ہے اور قرطاس کاغذ
سبک ہلکا ہے اور بھاری گراں ہے
عصا لاٹھی علم نیزہ سناں بھال
جسے ہم قوس کہتے ہیں کماں ہے
نہان و مستتر پوشیدہ مخفی
جو بارز ہے تو ظاہر ہے عیاں ہے
اگر جانو ہو تم ریوڑ کو گلہ
تو چرواہا بھی راعی اور شباں ہے
کہا کرتے ہیں شاعر کو سخنداں
جو بھیدی ہے تو محرم راز داں ہے
ہمانجا آمدم جائے کہ ہستی
وہیں آیا ہوں میں بھی تو جہاں ہے
یہی کون و مکاں دنیا ہے عالم
یہ ہی گیتی ہی گیہاں ہے جہاں ہے
اسماعیلؔ میرٹھی 
(957) ووٹ وصول ہوئے
Kuja Hasti Bata De Tu Kahan Hai In Urdu By Famous Poet Ismail Merathi. Kuja Hasti Bata De Tu Kahan Hai is written by Ismail Merathi. Enjoy reading Kuja Hasti Bata De Tu Kahan Hai Poem on Inspiration for Students, Youth, Girls and Boys by Ismail Merathi. Free Dowlonad Kuja Hasti Bata De Tu Kahan Hai by Ismail Merathi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends