Sunoge Mujhse Mera Majra Kya
sunoge mujh se mera majra kya
kaha karte hain afsanon mein kya kya
nahin tashwish-e-ainda ki ho kab
guzishta ka tahayyur hai ki tha kya
na kar taftish hai KHalwat-nashin kaun
tammul kar ki hai ye barmala kya
hai ek aaina-KHana bazm-e-kasrat
bataun ghair kis ko ma-siwa kya
faqat mazkur hai ek nisbat-e-KHas
muqaddar hai KHabar kya mubtada kya
jahan naqsh-e-qadam ho ruh-e-qudsi
wahan pahunchegi aql-e-na-rasa kya
lagaun shaian-lillah ki sada kyun
bhula dun yafalullah-ma-yasha kya
Ismail Merathi 
(918) Peoples Rate This