Zikr Ghairon Se Tumhaara Nahin Hoga Mujhse
zikr ghairon se tumhaara nahin hoga mujh se
ye taaruf bhi gawara nahin hoga mujh se
mere maula meri aankhon mein samundar de de
chaar bundon pe guzara nahin hoga mujh se
dauDta hai meri rag rag mein mohabbat ka lahu
dushmanon se bhi kinara nahin hoga mujh se
mere iKHlas ki yarab tu saza mat dena
ye hasin jurm dobara nahin hoga mujh se
jo haqiqat mein mera dushman-e-jaan hai 'ishrat'
hijr us ka bhi gawara nahin hoga mujh se
Ishrat Kiratpuri 
(638) Peoples Rate This