Ishq Se Ki Ye Dil-e-Khaali Ne Bhar Jaane Mein Dhum
ishq se ki ye dil-e-KHali ne bhar jaane mein dhum
Dale jyun kam-zarf mai ke ek do paimane mein dhum
shor tab basti mein tha atfal ke pathraw ka
ab diwane dil ne Dala ja ke virane mein dhum
dil siyah-mast-e-junun hai jab se yun Dala hai shor
jiyun ho fil-e-mast ki zanjir khul jaane mein dhum
dil mein yun aati hai teri yaad ai yar-e-aziz
misr mein jyun hazrat-e-yusuf ki thi aane mein dhum
kam numa rahta hai tu hum se hilal-e-id sa
jach gai dil mein teri abru nazar aane mein dhum
'ishq' ke daghon ne ki hai dil ke gulshan mein bahaar
hogi kya lala ki yan tashrif farmane mein dhum
Ishq Aurangabadi 
(847) Peoples Rate This