دل و نظر میں ترے روپ کو بساتا ہوا
دل و نظر میں ترے روپ کو بساتا ہوا
تری گلی سے گزرتا ہوں جگمگاتا ہوا
غزل کے پھول مرے ذہن میں مہکتے ہوئے
ترا خیال مجھے رات بھر جگاتا ہوا
وہ بارگاہ ادب ہے عقیدتوں کی جگہ
میں اس گلی سے کیوں گزروں گا خاک اڑاتا ہوا
مرے جنوں سے حریفوں کے پاؤں اکھڑتے ہوئے
میں جان دینے کے چکر میں جاں بچاتا ہوا
کسے ملا ترے قدموں میں جان دے دینا
میں سرخ رو ہوا چاہت کے کام آتا ہوا
تمہاری یاد مجھے اس طرح سے لگتی ہے
کوئی چراغ اندھیرے میں جھلملاتا ہوا
ہتھیلیوں کی لکیریں مجھے پرکھتی ہوئیں
میں ہر قدم پہ مقدر کو آزماتا ہوا
جواب کیوں ہیں سبھی خاموشی میں دبکے ہوئے
سوال ذہن کے آنگن میں آتا جاتا ہوا
مرے خلاف سبھی سازشیں رچیں جس نے
وہ رو رہا ہے مری داستاں سناتا ہوا
ہماری سمت لگاتار وار ہوتے ہوئے
اسے بچانے میں اکثر میں چوٹ کھاتا ہوا
ارشاد خان سکندر 
(780) ووٹ وصول ہوئے
Dil O Nazar Mein Tere Rup Ko Basata Hua In Urdu By Famous Poet Irshad Khan ’Sikandar’. Dil O Nazar Mein Tere Rup Ko Basata Hua is written by Irshad Khan ’Sikandar’. Enjoy reading Dil O Nazar Mein Tere Rup Ko Basata Hua Poem on Inspiration for Students, Youth, Girls and Boys by Irshad Khan ’Sikandar’. Free Dowlonad Dil O Nazar Mein Tere Rup Ko Basata Hua by Irshad Khan ’Sikandar’ in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends