بجھے ہو، ہاتھ مایوسی لگی ہے کیا
بجھے ہو، ہاتھ مایوسی لگی ہے کیا
در الفت پہ اب کنڈی لگی ہے کیا
ابھی بھی تجھ در دل پر بتا جاناں
ہمارے نام کی تختی لگی ہے کیا
سمندر بوکھلایا پھر رہا ہے کیوں
کنارے پھر کوئی کشتی لگی ہے کیا
ہمیں تم سے ہمیشہ ملنے آیں کیوں
تمہارے پاؤں میں مہندی لگی ہے کیا
کٹے ہیں پر تو کٹنے دو میاں سوچو
ارادوں پر کوئی قینچی لگی ہے کیا
جہاں کل عشق پر چرچا ہوا گھنٹوں
وہیں اب حسن کی منڈی لگی ہے کیا
ہیں آنکھیں سرخ لب زخمی انا گھائل
ترے کردار کی بولی لگی ہے کیا
تری گلیوں سے جو گزرا اسے جاناں
بھلا دنیا کبھی اچھی لگی ہے کیا
یقیناً آج بے پردہ وہ نکلے ہیں
وگرنہ چاندنی پھیکی لگی ہے کیا
نہ دنیا ہے نہ الجھن ہے سکوں ہے بس
ٹھکانے اب مری مٹی لگی ہے کیا
کتابیں گھر مرے سورج سی روشن ہیں
ترے کمرے میں یہ بتی لگی ہے کیا
زباں سے آہ کیا اف تک نہیں نکلی
تو اب کے چوٹ کچھ گہری لگی ہے کیا
مٹا لو گے جہالت کو سکندرؔ تم
تمہیں بھی یہ نئی دھنکی لگی ہے کیا
ارشاد خان سکندر 
(798) ووٹ وصول ہوئے
Bujhe Ho, Hath Mayusi Lagi Hai Kya In Urdu By Famous Poet Irshad Khan ’Sikandar’. Bujhe Ho, Hath Mayusi Lagi Hai Kya is written by Irshad Khan ’Sikandar’. Enjoy reading Bujhe Ho, Hath Mayusi Lagi Hai Kya Poem on Inspiration for Students, Youth, Girls and Boys by Irshad Khan ’Sikandar’. Free Dowlonad Bujhe Ho, Hath Mayusi Lagi Hai Kya by Irshad Khan ’Sikandar’ in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends