Ye Mere Chaar-su Ek Tamasha Lage
ye mere chaar-su ek tamasha lage
aalam-e-rang-o-bu ek tamasha lage
dekh chaaron-taraf ek tamasha laga
chahta tha na to ek tamasha lage
dar-haqiqat ye koi tamasha nahin
jo tujhe hu-ba-hu ek tamasha lage
rang uDna munasib hai mai-KHwar ka
TuTne se subu ek tamasha lage
phuTe zaKHm-e-jigar aur bahe aankh se
taza taza lahu ek tamasha lage
apne aashuftagan ki KHabar lene aa
ya tere ru-ba-ru ek tamasha lage
ja ke allah ke ghar manaen use
aaj kar ke wuzu ek tamasha lage
miTTi zarKHez ho ya na ho dasht ki
bahar-zauq-e-numu ek tamasha lage
Irfanullah Irfan 
(637) Peoples Rate This