وہ مہرباں ہو تو صحرا بھی گلستاں ہو جائیں
وہ مہرباں ہو تو صحرا بھی گلستاں ہو جائیں
اگر خفا ہو تو برہم ستار گاں ہو جائیں
ہوائیں شوق سمندر کی مہرباں ہو جائیں
طلب سفینہ ہو ارمان بادباں ہو جائیں
بیاس دوستی اتنے بھی اب نہ دو الزام
کہ ہم خود اپنی طرف سے بھی بد گماں ہو جائیں
قلندروں کے لیے شہر کیا ہے صحرا کیا
غرض تو ٹھور ٹھکانوں سے ہے جہاں ہو جائیں
تمہاری یاد کرے ایسے دل میں گھر اپنا
ہم اپنے گھر میں بتدریج میہماں ہو جائیں
تری رضا رہی شامل تو اس مسافت میں
سلگتے دشت کی دھوپیں بھی سائباں ہو جائیں
جو ہو یقین تو بس اک چراغ کافی ہے
نہ ہو تو لاکھ مہ و مہر رائیگاں ہو جائیں
چلو شگاف بنائیں فصیل وقت میں ہم
عجب نہیں کہ بہم سارے رفتگاں ہو جائیں
جو صید دام جنوں تھے وہ پا گئے منزل
اسیر دانش و بینش نہ بے نشاں ہو جائیں
فضول ٹھہرے تگ و تاز عمر بھی ساری
ہتھیلیوں کی لکیریں بھی رائیگاں ہو جائیں
وفا کی جنس ہیں عرفانؔ ہم بھی ارزاں ہیں
خرید لو کہیں ایسا نہ ہو گراں ہو جائیں
عرفان وحید 
(808) ووٹ وصول ہوئے
Wo Mehrban Ho To Sahra Bhi Gulistan Ho Jaen In Urdu By Famous Poet Irfan Waheed. Wo Mehrban Ho To Sahra Bhi Gulistan Ho Jaen is written by Irfan Waheed. Enjoy reading Wo Mehrban Ho To Sahra Bhi Gulistan Ho Jaen Poem on Inspiration for Students, Youth, Girls and Boys by Irfan Waheed. Free Dowlonad Wo Mehrban Ho To Sahra Bhi Gulistan Ho Jaen by Irfan Waheed in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends