Tu Unhen Yaad Aaegi Ai Juebar Agle Baras
tu unhen yaad aaegi ai juebar agle baras
ab to lauTegi parindon ki qatar agle baras
aur kuchh din us se milne ke liye jate raho
bastiyan bas jaengi dariya ke par agle baras
tum to sachche ho magar dil ka bharosa kuchh nahin
bujh na jae ye charagh-e-intizar agle baras
pahle hum pichhli ruton ke dard ka kar len hisab
is baras ke sare zaKHmon ka shumar agle baras
main nae mausam mein barg-e-taza ban kar aaunga
phir milenge ai hawa-e-shaKHsar agle baras
Irfan Siddiqi 
(823) Peoples Rate This