یہ خبر ہے، مجھ میں کچھ میرے سوا موجود ہے
یہ خبر ہے، مجھ میں کچھ میرے سوا موجود ہے
اب تو بس معلوم کرنا ہے کہ کیا موجود ہے
ایک میں ہوں، جس کا ہونا ہو کے بھی ثابت نہیں
ایک وہ ہے جو نہ ہو کر جا بجا موجود ہے
ہاں خدا ہے، اس میں کوئی شک کی گنجائش نہیں
اس سے تم یہ مت سمجھ لینا خدا موجود ہے
حل کبھی ہوتا نہیں یہ جسم سے چھوٹے بغیر
میں ابھی زندہ ہوں سو یہ مسئلہ موجود ہے
تاب آنکھیں لا سکیں اس حسن کی، ممکن نہیں
میں تو حیراں ہوں کہ اب تک آئنہ موجود ہے
رات کٹتی ہے مزے میں چین سے ہوتی ہے صبح
چاندنی موجود ہے باد صبا موجود ہے
روشنی سی آ رہی ہے اس طرف چھنتی ہوئی
اور وہ حدت بھی جو زیر قبا موجود ہے
ایک پل فرصت کہاں دیتے ہیں مجھ کو میرے غم
ایک کو بہلا دیا تو دوسرا موجود ہے
درد کی شدت میں بھی چلتی ہے میرے دل کے ساتھ
اک دھڑکتی روشنی جو ہر جگہ موجود ہے
معتبر تو قیس کا قصہ بھی ہے اس ضمن میں
اس حوالے سے مرا بھی واقعہ موجود ہے
خواب میں اک زخم دیکھا تھا بدن پر جس جگہ
صبح دیکھا تو وہاں اک داغ سا موجود ہے
ایک ہی شعلہ سے جلتے آ رہے ہیں یہ چراغ
میرؔ سے مجھ تک وہی اک سلسلہ موجود ہے
یوں تو ہے عرفانؔ ہر احساس ہی محدود سا
اک کسک سی ہے کہ جو بے انتہا موجود ہے
عرفان ستار 
(1122) ووٹ وصول ہوئے
Ye KHabar Hai, Mujh Mein Kuchh Mere Siwa Maujud Hai In Urdu By Famous Poet Irfan Sattar. Ye KHabar Hai, Mujh Mein Kuchh Mere Siwa Maujud Hai is written by Irfan Sattar. Enjoy reading Ye KHabar Hai, Mujh Mein Kuchh Mere Siwa Maujud Hai Poem on Inspiration for Students, Youth, Girls and Boys by Irfan Sattar. Free Dowlonad Ye KHabar Hai, Mujh Mein Kuchh Mere Siwa Maujud Hai by Irfan Sattar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends