یہ کیسے ملبے کے نیچے دبا دیا گیا ہوں
یہ کیسے ملبے کے نیچے دبا دیا گیا ہوں
مجھے بدن سے نکالو میں تنگ آ گیا ہوں
کسے دماغ ہے بے فیض صحبتوں کا میاں
خبر اڑا دو کہ میں شہر سے چلا گیا ہوں
مآل عشق انا گیر ہے یہ مختصراً
میں وہ درندہ ہوں جو خود کو ہی چبا گیا ہوں
کوئی گھڑی ہے کہ ہوتا ہوں آستین میں دفن
میں دل سے بہتا ہوا آنکھ تک تو آ گیا ہوں
مرا تھا مرکزی کردار اس کہانی میں
بڑے سلیقے سے بے ماجرا کیا گیا ہوں
وہ مجھ کو دیکھ رہا ہے عجب تحیر سے
نہ جانے جھونک میں کیا کچھ اسے بتا گیا ہوں
مجھے بھلا نہ سکے گی یہ رہگزار جنوں
قدم جما نہ سکا رنگ تو جما گیا ہوں
سب اہتمام سے پہنچے ہیں اس کی بزم میں آج
میں اپنے حال میں سرمست و مبتلا گیا ہوں
مرے کہے سے مرے گرد و پیش کچھ بھی نہیں
سو جو دکھایا گیا ہے وہ دیکھتا گیا ہوں
اسے بتایا نہیں ہجر میں جو حال ہوا
جو بات سب سے ضروری تھی وہ چھپا گیا ہوں
غزل میں کھینچ کے رکھ دی ہے اپنی جاں عرفان
ہر ایک شعر میں دل کا لہو بہا گیا ہوں
عرفان ستار 
(885) ووٹ وصول ہوئے
Ye Kaise Malbe Ke Niche Daba Diya Gaya Hun In Urdu By Famous Poet Irfan Sattar. Ye Kaise Malbe Ke Niche Daba Diya Gaya Hun is written by Irfan Sattar. Enjoy reading Ye Kaise Malbe Ke Niche Daba Diya Gaya Hun Poem on Inspiration for Students, Youth, Girls and Boys by Irfan Sattar. Free Dowlonad Ye Kaise Malbe Ke Niche Daba Diya Gaya Hun by Irfan Sattar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends