مجلس غم، نہ کوئی بزم طرب، کیا کرتے
مجلس غم، نہ کوئی بزم طرب، کیا کرتے
گھر ہی جا سکتے تھے آوارۂ شب، کیا کرتے
یہ تو اچھا کیا تنہائی کی عادت رکھی
تب اسے چھوڑ دیا ہوتا تو اب کیا کرتے
روشنی، رنگ، مہک، طائر خوش لحن، صبا
تو نہ آتا جو چمن میں تو یہ سب کیا کرتے
دل کا غم دل میں لیے لوٹ گئے ہم چپ چاپ
کوئی سنتا ہی نہ تھا شور و شغب کیا کرتے
بات کرنے میں ہمیں کون سی دشواری تھی
اس کی آنکھوں سے تخاطب تھا سو لب کیا کرتے
کچھ کیا ہوتا تو پھر زعم بھی اچھا لگتا
ہم زیاں کار تھے، اعلان نسب کیا کرتے
دیکھ کر تجھ کو سرہانے ترے بیمار جنوں
جاں بہ لب تھے، سو ہوئے آہ بہ لب، کیا کرتے
تو نے دیوانوں سے منہ موڑ لیا، ٹھیک کیا
ان کا کچھ ٹھیک نہیں تھا کہ یہ کب کیا کرتے
جو سخن ساز چراتے ہیں مرا طرز سخن
ان کا اپنا نہ کوئی طور، نہ ڈھب، کیا کرتے
یہی ہونا تھا جو عرفانؔ ترے ساتھ ہوا
منکر میرؔ بھلا تیرا ادب کیا کرتے
عرفان ستار 
(1146) ووٹ وصول ہوئے
Majlis-e-gham, Na Koi Bazm-e-tarab, Kya Karte In Urdu By Famous Poet Irfan Sattar. Majlis-e-gham, Na Koi Bazm-e-tarab, Kya Karte is written by Irfan Sattar. Enjoy reading Majlis-e-gham, Na Koi Bazm-e-tarab, Kya Karte Poem on Inspiration for Students, Youth, Girls and Boys by Irfan Sattar. Free Dowlonad Majlis-e-gham, Na Koi Bazm-e-tarab, Kya Karte by Irfan Sattar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends