Husn-e-fitrat Ki Aabru Mujhse
husn-e-fitrat ki aabru mujh se
aab o gil mein hai rang-o-bu mujh se
mere dam se bina-e-mai-KHana
hasti-e-shisha-o-subu mujh se
mujh se aatish-kadon mein soz o gudaz
KHanqahon mein hae o hu mujh se
shabnam-e-na-tawan sahi lekin
is gulistan mein hai numu mujh se
ek tigapue daimi hai hayat
kah rahi hai ye aabju mujh se
taqat-e-jumbish-e-nazar bhi nahin
ab ho kya sharh-e-arzu mujh se
Iqbal Suhail 
(1189) Peoples Rate This