ہر کسی کو کب بھلا یوں مسترد کرتا ہوں میں
ہر کسی کو کب بھلا یوں مسترد کرتا ہوں میں
تو ہے خوش قسمت اگر تجھ سے حسد کرتا ہوں میں
بغض بھی سینے میں رکھتا ہوں امانت کی طرح
نفرتیں کرنے پہ آ جاؤں تو حد کرتا ہوں میں
کوئی اپنے آپ کو منوانے والا بھی تو ہو
ماننے میں کب کسی کے رد و کد کرتا ہوں میں
کچھ شعوری سطح پر کچھ لا شعوری طور پر
کار فکر و فن میں اب سب کی مدد کرتا ہوں میں
اس لیے مجھ سے خفا ہیں اہل گلشن آج کل
رنگ جھٹلاتا ہوں خوشبو مسترد کرتا ہوں میں
میرے جذبوں سے بچاؤ نیک دل لوگو مجھے
روز او شب ان بد معاشوں کی مدد کرتا ہوں میں
دوسروں کے واسطے لکھا ہوا لگتا ہے جھوٹ
اپنی سچائی کو اکثر آپ رد کرتا ہوں میں
رنگ پر آئی ہوئی ہے اب جنوں خیزی میری
روز و شب توہین ارباب خرد کرتا ہوں میں
طوق گردن میں پہنتا ہوں لہو کی دھار کا
خلق کو حیران ساجدؔ زد بہ زد کرتا ہوں میں
اقبال ساجد 
(1000) ووٹ وصول ہوئے
Har Kasi Ko Kab Bhala Yun Mustarad Karta Hun Main In Urdu By Famous Poet Iqbal Sajid. Har Kasi Ko Kab Bhala Yun Mustarad Karta Hun Main is written by Iqbal Sajid. Enjoy reading Har Kasi Ko Kab Bhala Yun Mustarad Karta Hun Main Poem on Inspiration for Students, Youth, Girls and Boys by Iqbal Sajid. Free Dowlonad Har Kasi Ko Kab Bhala Yun Mustarad Karta Hun Main by Iqbal Sajid in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends