مزاحمتوں کے عہد نگار
ان سے کہنا کہ وہ
اپنی اس جنگ میں
اب اکیلے نہیں
آج کی جنگ سب کی ہے
اور سارے وقتوں کی ہے
اپنے اپنے محاذوں کی دہلیز پر
ہم بھی مورچہ بند اور صف بہ صف ان کے ہم دوش ہیں
ہم کہ خاموش ہیں
ہم کہ خاموش ہیں کیتلی کا تلاطم نہیں
چیخنے کے ہنر شناسا نہیں
بے محل حلق بازوں
اندھیرے کے عف عف زنوں کی طرح
ان سے کہنا
کہ ہم لمحے لمحے کے ہمرا دھڑکتے ہوئے
اپنے ہونے کی ہر شکل پر
خود گواہی بنے
آج کی جنگ میں
ان کے ہم دوش ہیں
اور سر سینہ و دوش تانبا نا لوہا مگر ہم نہتے نہیں
امن بھی ہیں محبت بھی ہم
رزم بھی درس عبرت بھی ہم
صدق کے زور سے
فکر کی کاٹ اور درد کی دھار سے لیس شمشیر خامہ سپر لوح ہم
ان سے کہنا
کہ جو آج کی جنگ وہ لڑ رہے ہیں
وہ سب کی ہے اور سارے وقتوں کی
اور ان کی طرح
ہم بھی اس جنگ میں
اپنے اپنے محاذوں پہ پرچم کشا
ان کے ہم دوش ہیں
اپنے آدرش کی چوکیوں کے نگہ دار غافل نہیں
گرچہ خاموش ہیں
اقبال کوثر 
(986) ووٹ وصول ہوئے
Muzahimaton Ke Ahd-nigar In Urdu By Famous Poet Iqbal Kausar. Muzahimaton Ke Ahd-nigar is written by Iqbal Kausar. Enjoy reading Muzahimaton Ke Ahd-nigar Poem on Inspiration for Students, Youth, Girls and Boys by Iqbal Kausar. Free Dowlonad Muzahimaton Ke Ahd-nigar by Iqbal Kausar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends