ابھی مرا آفتاب افق کی حدود سے آشنا نہیں ہے
ابھی مرا آفتاب افق کی حدود سے آشنا نہیں ہے
مری بھی شب کی سحر ہے لیکن نمود سے آشنا نہیں ہے
کھلے کسی کے شعور پر تو مجھے بھی اس کا سراغ دے دے
کہ میرا جوہر ہنوز اپنے وجود سے آشنا نہیں ہے
غضب ہے فطرت کا دشت و کہسار میں نوائے سکوت بھرنا
مگر وہ کیا سن سکے گا جو اس سرود سے آشنا نہیں ہے
میں کس گماں پر کہوں زمانے میں میرا آغاز ہو چکا ہے
کہ میرا لمحہ ابھی تک اپنے ورود سے آشنا نہیں ہے
خبر نہیں کاروبار الفت میں جا رہی ہے کدھر طبیعت
زیاں سے رکھتی نہیں تعارف کہ سود سے آشنا نہیں ہے
دلا رہا ہوں میں اس کو احساس اس کی پہلی رفاقتوں کا
جو آج اقبالؔ میری بود و نبود سے آشنا نہیں ہے
اقبال کوثر 
(1064) ووٹ وصول ہوئے
Abhi Mera Aaftab Ufuq Ki Hudud Se Aashna Nahin Hai In Urdu By Famous Poet Iqbal Kausar. Abhi Mera Aaftab Ufuq Ki Hudud Se Aashna Nahin Hai is written by Iqbal Kausar. Enjoy reading Abhi Mera Aaftab Ufuq Ki Hudud Se Aashna Nahin Hai Poem on Inspiration for Students, Youth, Girls and Boys by Iqbal Kausar. Free Dowlonad Abhi Mera Aaftab Ufuq Ki Hudud Se Aashna Nahin Hai by Iqbal Kausar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends