Ishq Itna Kamal Rakhta Hai
ishq itna kamal rakhta hai
husn ko gham-shanas karta hai
chashm-e-saqi mein jam-e-jam ki qasam
rang-e-duniya-o-din chhalakta hai
sham-e-mahfil ho ya ki parwana
wo bhi jalti hai ye bhi jalta hai
Dub jae na gham ka mai-KHana
jam-e-qalb-e-hazin chhalakta hai
bas ai fitna-e-KHiram-e-naz Thahar
ab qayamat ka dil machalta hai
maslahat ye hai tum badal jao
rang-e-mahfil agar badalta hai
gham-e-jaanan se bach gae 'iqbaal'
gham-e-dauran se kaun bachta hai
Iqbal Husain Rizvi Iqbal 
(789) Peoples Rate This