مرگ گل سے پیشتر
سب دریچے بند ہیں تم کچھ کہو
تم سمجھتے ہو گریباں چاک ہوں
میں تو اندوہ سماعت کے جراثیموں سے
بالکل پاک ہوں
نالۂ بیباک ہوں
سب دریچے بند ہیں تم کچھ کہو
تم سمجھتے ہو کہ بینائی گئی
بجھ گیا ہر روزن دیوار چپ ہے روشنی
نیم وا ہے تیرگی
یہ شگفت غنچہ لب کی صدا
وہ حسیں قوس قزح رنگیں قبا
دھڑکنوں کا سلسلہ
سب دریچے بند ہیں تم کچھ کہو
تم سمجھتے ہو کہ ساری انگلیاں پتھر کی ہیں
کیوں قلم کے خشک ہونٹوں سے
کوئی کاغذ چھوئیں
اسم اعظم کی لکھیں
سب دریچے بند ہیں تم کچھ کہو
تم سمجھتے ہو کہ خوابوں میں خیالوں کو لیے
لڑکھڑائیں گے ہمیشہ وصل کی خواہش میں
یوں ہی بن پیے
اپنے ہونٹوں کو سیے
میں سمجھتا ہوں اے میرے چارہ گر
مرگ گل سے پیشتر
اک سیہ شعلہ سا کرتا ہے طواف بوئے جاں
لیکن اے جان جہاں
چھو انگشت شہادت سے کوئی نوک سناں
میں لکھوں گا تیرے چہرے پر وہ انمٹ داستاں
زندگی سچ بول دے
جو سب دریچے کھول دے
زندگی سچ بول دے
اقبال حیدر 
(959) ووٹ وصول ہوئے
Marg-e-gul Se Peshtar In Urdu By Famous Poet Iqbal Haider. Marg-e-gul Se Peshtar is written by Iqbal Haider. Enjoy reading Marg-e-gul Se Peshtar Poem on Inspiration for Students, Youth, Girls and Boys by Iqbal Haider. Free Dowlonad Marg-e-gul Se Peshtar by Iqbal Haider in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends