ضبط بھی چاہئے ظرف بھی چاہئے اور محتاط پاس وفا چاہئے
ضبط بھی چاہئے ظرف بھی چاہئے اور محتاط پاس وفا چاہئے
زندگی دشمنوں میں بھی مشکل نہیں آدمی میں ذرا حوصلہ چاہئے
ہم کو منزل شناسی پہ بھی ناز ہے اور ہم آشنائے حوادث بھی ہیں
جوئے خوں سے گزرنا پڑے بھی تو کیا جستجو کو تو اک راستا چاہئے
اپنے ماتھے پہ بل ڈال کر ہمیں شیش محلوں کے اندر سے جھڑکی نہ دو
ہم بھکاری نہیں ہیں کہ ٹل جائیں گے ہم کو اپنی وفا کا صلہ چاہئے
تم نے آرائش گلستاں کے لئے ہم سے کچھ خون مانگا تھا مدت ہوئی
تم سے خیرات تو ہم نہیں مانگتے ہم کو اس خون کا خوں بہا چاہئے
ہم کو ہر موڑ پر دوست ملتے رہے ہم کبھی راہ منزل میں تنہا نہ تھے
کل غم دوست تھا اب غم زیست ہے آشنا کو تو اک آشنا چاہئے
میری مانو تو اک بات تم سے کہوں یہ نیا دور ہے اس کا کیا ٹھیک ہے
دوستوں سے ملو محفلوں میں مگر آستینوں کا بھی جائزہ چاہئے
حد سے بڑھ کر محبت مناسب نہیں اس میں اندیشۂ بد گمانی بھی ہے
دشمنوں سے تعلق تو ہے ہی غلط دوستوں میں بھی کچھ فاصلہ چاہئے
جرم بے باک گوئی کی پاداش میں زہر اقبالؔ کو تلخیوں کا ملا
اس نے اس زہر کو ہی سخن کر لیا اس زمانے میں اب اور کیا چاہئے
اقبال عظیم 
(3724) ووٹ وصول ہوئے
Zabt Bhi Chahiye Zarf Bhi Chahiye Aur Mohtat Pas-e-wafa Chahiye In Urdu By Famous Poet Iqbal Azeem. Zabt Bhi Chahiye Zarf Bhi Chahiye Aur Mohtat Pas-e-wafa Chahiye is written by Iqbal Azeem. Enjoy reading Zabt Bhi Chahiye Zarf Bhi Chahiye Aur Mohtat Pas-e-wafa Chahiye Poem on Inspiration for Students, Youth, Girls and Boys by Iqbal Azeem. Free Dowlonad Zabt Bhi Chahiye Zarf Bhi Chahiye Aur Mohtat Pas-e-wafa Chahiye by Iqbal Azeem in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends