توڑوں گا خم بادۂ انگور کی گردن
توڑوں گا خم بادۂ انگور کی گردن
رکھ دوں گا وہاں کاٹ کے اک حور کی گردن
خوددار کی بن شکل الف ہائے انا الحق
نت چاہتی ہیں اک نئی منصور کی گردن
کیوں ساقیٔ خورشید جبیں کیا ہے نشہ ہوں
سب یوں ہی چڑھا جاؤں مے نور کی گردن
اچھلی ہوئی ورزش سے تری ڈنڈ پہ مچھلی
ہے نام خدا جیسی سقنقور کی گردن
تھا شخص جو گردن زدنی اس سے یہ بولے
اب دیجئے ہے دینی جو منظور کی گردن
آئینہ کی گر سیر کرے شیخ یہ دیکھے
سر خرس کا منہ خوک کا لنگور کی گردن
یوں پنجۂ مژگاں میں پڑا ہے یہ مرا دل
جوں چنگل شہباز میں عصفور کی گردن
تب عالم مستی کا مزا ہے کہ پڑی ہو
گردن پہ مری اس بت مخمور کی گردن
بیٹھا ہو جہاں پاس سلیمان کے آصف
واں کیوں نہ جھکی قیصر و فغفور کی گردن
بھینچی ہے بغل اپنی میں اس زور سے جو عشق
تو توڑنے پر ہے کسی مجبور کی گردن
اے مست یہ کیا قہر ہے خشت سر خم سے
کیوں تو نے صراحی کی بھلا چور کی گردن
محفل میں تری شمع بنی موم کی مریم
پگھلی پڑی ہے اس کی وہ کافور کی گردن
اے دیو سفید سحری کاش تو توڑے
اک مکے سے خور کے شب دیجور کی گردن
جب کشتۂ الفت کو اٹھایا تو الم سے
بس ہل گئی اس قاتل مغرور کی گردن
بے ساختہ بولا کہ ارے ہاتھ تو ٹک دو
ڈھلکے نہ مرے عاشق مغفور کی گردن
حاسد تو ہے کیا چیز کرے قصد جو انشاؔ
تو توڑ دے جھٹ بلغم باعور کی گردن
انشاءؔ اللہ خاں 
(1517) ووٹ وصول ہوئے
ToDunga KHum-e-baada-e-angur Ki Gardan In Urdu By Famous Poet Insha Allah Khan 'Insha'. ToDunga KHum-e-baada-e-angur Ki Gardan is written by Insha Allah Khan 'Insha'. Enjoy reading ToDunga KHum-e-baada-e-angur Ki Gardan Poem on Inspiration for Students, Youth, Girls and Boys by Insha Allah Khan 'Insha'. Free Dowlonad ToDunga KHum-e-baada-e-angur Ki Gardan by Insha Allah Khan 'Insha' in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends