مجھے کیوں نہ آوے ساقی نظر آفتاب الٹا
مجھے کیوں نہ آوے ساقی نظر آفتاب الٹا
کہ پڑا ہے آج خم میں قدح شراب الٹا
عجب الٹے ملک کے ہیں اجی آپ بھی کہ تم سے
کبھی بات کی جو سیدھی تو ملا جواب الٹا
چلے تھے حرم کو رہ میں ہوئے اک صنم کے عاشق
نہ ہوا ثواب حاصل یہ ملا عذاب الٹا
یہ شب گزشتہ دیکھا وہ خفا سے کچھ ہیں گویا
کہیں حق کرے کہ ہووے یہ ہمارا خواب الٹا
ابھی جھڑ لگا دے بارش کوئی مست بڑھ کے نعرہ
جو زمین پہ پھینک مارے قدح شراب الٹا
یہ عجیب ماجرا ہے کہ بروز عید قرباں
وہی ذبح بھی کرے ہے وہی لے ثواب الٹا
یوں ہی وعدہ پر جو چھوٹے تو نہیں ملاتے تیور
اے لو اور بھی تماشا یہ سنو جواب الٹا
کھڑے چپ ہو دیکھتے کیا مرے دل اجڑ گئے کو
وہ گنہ تو کہہ دو جس سے یہ ہے وہ خراب الٹا
غزل اور قافیوں میں نہ کہی سو کیونکہ انشاؔ
کہ ہوا نے خود بخود آ ورق کتاب الٹا
انشاءؔ اللہ خاں 
(1625) ووٹ وصول ہوئے
Mujhe Kyun Na Aawe Saqi Nazar Aaftab UlTa In Urdu By Famous Poet Insha Allah Khan 'Insha'. Mujhe Kyun Na Aawe Saqi Nazar Aaftab UlTa is written by Insha Allah Khan 'Insha'. Enjoy reading Mujhe Kyun Na Aawe Saqi Nazar Aaftab UlTa Poem on Inspiration for Students, Youth, Girls and Boys by Insha Allah Khan 'Insha'. Free Dowlonad Mujhe Kyun Na Aawe Saqi Nazar Aaftab UlTa by Insha Allah Khan 'Insha' in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends