Tu Ne Lagai Ab Ki Ye Kya Aag Ai Basant
tu ne lagai ab ki ye kya aag ai basant
jis se ki dil ki aag uThe jag ai basant
kaifiyyat-e-bahaar ke tu us ko de KHabar
mauj-e-nasim ki tarah uD lag ai basant
har shaKH zard o surKH o siyah hijr-e-yar mein
Daste hain dil ko aan ke jun nag ai basant
munh dekho aashiqon ke muqabil hun rang mein
bandhi hai mujh se kis liye tu lag ai basant
tujh mein kahan ye buqalamuni kahan ye sang
dasht-o-jabal ko KHair se ab bhag ai basant
jun tar-e-chang chheD na 'insha' ko baat mein
tera suna hua hai ye ghaTrag ai basant
Insha Allah Khan 'Insha' 
(1093) Peoples Rate This