Jis Ko Kuchh Dhan Ho Kare Humse Haqiqat Ki Bahs
jis ko kuchh dhan ho kare hum se haqiqat ki bahs
ki hamin jaante hain ahl-e-tariqat ki bahs
qaziya hath baDha shisha-e-sahba to utar
taq-e-nisyan pe tu rahne de shariat ki bahs
kar diya mujtahid-e-waqt ko qatil jhaT-paT
hum ne masjid mein kal aise hi qayamat ki bahs
bazm-e-rindana mein kya rind-o-wara ka charcha
shaiKH-sahib hai bahut ye to himaqat ki bahs
bu-ali sath koi bolte 'insha' ko sune
roz hoti hai baham ahl-e-balaghat ki bahs
Insha Allah Khan 'Insha' 
(851) Peoples Rate This