Hain Jo Murawwaj Mehr-o-wafa Ke Sab Sar-rishte Bhul Gae
hain jo murawwaj mehr-o-wafa ke sab sar-rishte bhul gae
phir gae tum to qaul-o-qasam se apne nawishte bhul gae
jab dekho tab laThi Thenge khaT khaT karte phirte hain
uDte hain koi shaiKH-ji sahab un ko farishte bhul gae
ahle-gahle phirte ho sahab sair-e-chaman mein aur tumhein
apne taDapte zaKHmi sab KHun mein aaghushte bhul gae
qazi-jiyo ke donon beTe hum se kahenge hai wo masal
ghar mein farishte ke KHarishte so KHarishte bhul gae
nasl baDi aadam ki 'insha' kaun kisi ko pahchane
bais-e-kasrat hum digar ke nate-rishte bhul gae
Insha Allah Khan 'Insha' 
(859) Peoples Rate This