لے بائی ایریا
تم نے غور سے دیکھا
تم جہاں پہ ہو اس وقت
کل وہاں پہ اک لڑکی بے تحاشا حیرت سے تم کو اپنی آنکھوں میں گھونٹ گھونٹ چنتی تھی
تم جو سر جھکا کر یوں
بے خبر سے بیٹھے تھے
جانتے نہیں ہو نا
وقت کی نئی دھن پر
نظم ہو رہے تھے تم
کیا تمہارے چہرے پر
اپنی خالی آنکھوں سے
کوئی نظم لکھے گا
کیا خبر یہ ہے تم کو
جب نہ اور کچھ سوجھے
تم نظر چرانے کو اپنا سیل اٹھاتے ہو
اس گھڑی میں بھی تم نے
جھلملاتی آنکھوں سے
پھر نظر چرانے کو
اپنا سیل اٹھایا ہے
بے پناہ محبت کے
کپکپاتے ہاتھوں کی ساری الجھی ریکھائیں تم نے دیکھ لی تھیں نا
پھر اسی جگہ تم کو
کیا ملا کوئی ایسا
جس کے ہاتھ پر تم نے اپنا ہاتھ رکھا تو اس کی روح تک کانپی
جب کسی کی چھاؤں میں
تیز دھوپ جیسی اک دوپہر میسر ہو
اس سمے میں کیا تم نے
خود کو اس کی آنکھوں کے دشت سے گزارا ہے
کیا کسی نے بھی اب تک تم کو اپنی سانسوں سے جسم میں اتارا ہے
دیکھ کر بتاؤ نا
جس جگہ پہ بیٹھے ہو
ہے وہاں کوئی ایسا
ہے کوئی مرے جیسا
انجیل صحیفہ 
(811) ووٹ وصول ہوئے
Lay-by Area In Urdu By Famous Poet Injeel Saheefa. Lay-by Area is written by Injeel Saheefa. Enjoy reading Lay-by Area Poem on Inspiration for Students, Youth, Girls and Boys by Injeel Saheefa. Free Dowlonad Lay-by Area by Injeel Saheefa in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends