فضا میں رنگ سے بکھرے ہیں چاندنی ہوئی ہے
فضا میں رنگ سے بکھرے ہیں چاندنی ہوئی ہے
کسی ستارے کی تتلی سے دوستی ہوئی ہے
مری تمام ریاضت کا ایک حاصل ہے
وہی دعا جو تیرے نام سے جڑی ہوئی ہے
میں حادثے سے نکل آئی ہوں مگر دیکھو
زمین اب بھی مرے جسم پر پڑی ہوئی ہے
ابھی تو تو نے مرا ہاتھ بھی نہیں تھاما
یہ کس خبر سے زمانے میں سنسنی ہوئی ہے
اداسی جونک ہے یہ خون چوس لیتی ہے
یہ بات میں نے کہیں اور بھی سنی ہوئی ہے
میں تیرے لمس کے جادو سے خوب واقف ہوں
وہ شاخ ہوں جو ترے ہاتھ پر ہری ہوئی ہے
جو آنکھیں سینک رہے ہیں انہیں خبر ہی نہیں
یہاں پہ خواب جلے ہیں تو روشنی ہوئی ہے
میں لال رنگ لگاتی تھی نیلے خوابوں کو
اسی لئے تو یہ تعبیر کاسنی ہوئی ہے
وہ میرے بارے میں کیا سوچتا ہے کیا معلوم
خدا سے میری ملاقات سرسری ہوئی ہے
میں پچھلے سال کی تصویر بھیج دیتی تجھے
مگر یہ ایک طرف سے ذرا جلی ہوئی ہے
مزا تو جب ہے کہ انجیلؔ ہی لگے سب کو
نزول عشق پہ جتنی بھی شاعری ہوئی ہے
انجیل صحیفہ 
(932) ووٹ وصول ہوئے
Faza Mein Rang Se Bikhre Hain Chandni Hui Hai In Urdu By Famous Poet Injeel Saheefa. Faza Mein Rang Se Bikhre Hain Chandni Hui Hai is written by Injeel Saheefa. Enjoy reading Faza Mein Rang Se Bikhre Hain Chandni Hui Hai Poem on Inspiration for Students, Youth, Girls and Boys by Injeel Saheefa. Free Dowlonad Faza Mein Rang Se Bikhre Hain Chandni Hui Hai by Injeel Saheefa in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends