کبھی مڑ کے پھر اسی راہ پر نہ تو آئے تم نہ تو آئے ہم
کبھی مڑ کے پھر اسی راہ پر نہ تو آئے تم نہ تو آئے ہم
کبھی فاصلوں کو سمیٹ کر نہ تو آئے تم نہ تو آئے ہم
جو تمہیں ہے اپنی انا پسند تو مجھے بھی شرط کا پاس ہے
یہ ضدوں کے سلسلے توڑ کر نہ تو آئے تم نہ تو آئے ہم
انہیں چاہتوں میں بندھے ہوئے ابھی تم بھی ہو ابھی ہم بھی ہیں
ہے کشش دلوں میں بہت مگر نہ تو آئے تم نہ تو آئے ہم
شب وصل بھی شب ہجر ہے شب ہجر اب تو ہے مستقل
یہی سوچنے میں ہوئی سحر نہ تو آئے تم نہ تو آئے ہم
وہ جھروکے پردوں میں بند ہیں وہ تمام گلیاں اداس ہیں
کبھی خواب میں سر رہ گزر نہ تو آئے تم نہ تو آئے ہم
اسی شہر کی اسی راہ پر تھے ہمارے گھر بھی قریب تر
یوں ہی گھومتے رہے عمر بھر نہ تو آئے تم نہ تو آئے ہم
کبھی اتفاق سے مل گئے کسی شہر کے کسی موڑ پر
تو یہ کہہ اٹھے گی نظر نظر کیوں نہ آئے تم کیوں نہ آئے ہم
اندرا ورما 
(1153) ووٹ وصول ہوئے
Kabhi MuD Ke Phir Isi Rah Par Na To Aae Tum Na To Aae Hum In Urdu By Famous Poet Indira Varma. Kabhi MuD Ke Phir Isi Rah Par Na To Aae Tum Na To Aae Hum is written by Indira Varma. Enjoy reading Kabhi MuD Ke Phir Isi Rah Par Na To Aae Tum Na To Aae Hum Poem on Inspiration for Students, Youth, Girls and Boys by Indira Varma. Free Dowlonad Kabhi MuD Ke Phir Isi Rah Par Na To Aae Tum Na To Aae Hum by Indira Varma in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends