Kuchh Bala Aur Kuchh Sitam Hi Sahi
kuchh bala aur kuchh sitam hi sahi
ishq mein furqat-e-sanam hi sahi
jis ko chahen use KHushi de den
mere hisse mein un ke gham hi sahi
kitni viran hai sadaqat bhi
but-kada gar nahin haram hi sahi
meri KHuddari-e-wafa dekho
sar jhukane se sar qalam hi sahi
zindagi aaj tera lutf o karam
kam agar hai to aaj kam hi sahi
jaise mumkin ho baat rakh lena
'indira' ka zara bharam hi sahi
Indira Varma 
(841) Peoples Rate This