Dil Ke Bechain Jaziron Mein Utar Jaega
dil ke bechain jaziron mein utar jaega
dard aahon ke muqaddar ka pata laega
mere bichhDe hue lamhat saja kar rakhna
waqt lafzon mein ghazal ban ke Thahar jaega
us ki har baat jafa-pesha hui hai aksar
zaKHm ka KHauf kabhi us ko bhi dahlaega
waqt KHamosh hai TuTe hue rishton ki tarah
wo bhala kaise mere dil ki KHabar paega
sham-e-gham aaj bhi guzri hai hasin KHwabon mein
gham-e-jaanan to mohabbat mein sitam Dhaega
dil mera aaj jafaon pe bahut nazan hai
mere honTon pe tabassum hi nazar aaega
us ke mizrab se jab rag banenge dipak
megh chupke se mere dil pe baras jaega
Indira Varma 
(989) Peoples Rate This