ستارے سب مرے مہتاب میرے
ستارے سب مرے مہتاب میرے
ابھی مت ٹوٹنا اے خواب میرے
ابھی اڑنا ہے مجھ کو آسماں تک
ہوئے جاتے ہیں پر بیتاب میرے
میں تھک کر گر گیا ٹوٹا نہیں ہوں
بہت مضبوط ہیں اعصاب میرے
ترے آنے پہ بھی باد بہاری
گلستاں کیوں نہیں شاداب میرے
بہت ہی شاد رہتا تھا میں جن میں
وہ لمحے ہو گئے نایاب میرے
ابھی آنکھوں میں طغیانی نہیں ہے
ابھی آئے نہیں سیلاب میرے
سمندر میں ہوا طوفان برپا
سفینے آئے زیر آب میرے
تو اب کے بھی نہیں ڈوبا شناورؔ
بہت حیران ہیں احباب میرے
عمران شناور 
(1092) ووٹ وصول ہوئے
Sitare Sab Mere Mahtab Mere In Urdu By Famous Poet Imran Shanawar. Sitare Sab Mere Mahtab Mere is written by Imran Shanawar. Enjoy reading Sitare Sab Mere Mahtab Mere Poem on Inspiration for Students, Youth, Girls and Boys by Imran Shanawar. Free Dowlonad Sitare Sab Mere Mahtab Mere by Imran Shanawar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends